حلو الوحدة تدش المطبخ تتعلم شغلات جديدة وكل مره نتيجة جديدة أيضاَ ( يا تصيب يا تخيب )
هالمرة جربت أسوي كور الفول السوداني اللي يطلق عليه في الكويت سبال .
نتيجتها حلوة بالنسبة لأول مرة لكن الطعم عجيييييب أنا نفسي مو مصدقة هالنتيجة اللذيذة .
توقعت تاخذ وقت وتعب بس مو شرط الواحد لازم يسوي شغله صعبة يالله تصير لذيذة على قولة المثل ( كل ما هان تبارك ) .
المقادير :
2 كوب سكر بودرة
2 كوب بسكوت دايجستف المطاحن الكويتية ( 3 علب ) أو أي بسكوت مثل ماري أو بتي بور
1\4 كوب زبدة
1 علبة كاملة من زبدة الفول السوادني كريمية القوام
الطريقة :
تخلطين المقادير مع بعض .
افرشي تحتها ورق الزبدة و قومي بتبريدها في الثلاجة مدة ساعة .
كوريها وأدخليها الثلاجة لمدة 20 دقيقة .
التزيين :
في هذه الأثناء ذوبي الآتي في حمام مائي :
1 كيس كامل كاكو هيرشي
2 م ك زبدة
1 علبة قيمر كي دي دي
حركي المزيج وعندما يذوب ارفعيه من على النار وغمسي كرات الفول السوداني في الكاكاو .
رشي على الكرات بسكويت مطحون أو جوز مجروش .
صفي الكرات في صينية على ورق زبدة وأدخليهم الثلاجة إلى وقت التقديم .
ضعيهم في ورق بلاسيه وصفيهم في طبق التقديم .
المشاركات
